Расправата почнала на Редит откако еден маж прашал: „Имам мало дете и осумгодишно дете и мојата сопруга инсистира да носат чисти пижами секоја вечер, додека јас мислам дека тоа треба да биде поретко. Колку долго вашите деца ги носат нивните пижами? Ова не ги вклучува летните месеци!“.
Повеќето родители признале дека на детето му ги менуваат пижамите само кога се видно валкани затоа што истуриле храна врз нив или кога ги носеле една недела. Еден родител коментирал: „Ако имаат непријатен мирис, ги менуваме. Ако детето ги носи една недела, се менуваат. Тоа е се“.
Друг се согласи, пишувајќи: „Се додека пижамите се чисти? Моите деца имаат две и три, значи пижамите траат од пет минути до една недела“.
Некој напишал: „Имам седумгодишно и тригодишно дете. Секој има по две комплети пижами и ги носат наизменично, секој комплет се пере еднаш неделно“.
Но, едно лице било на страната на сопругата на тој човек, со оглед на тоа што нејзините деца ги капе секоја вечер, па има смисла и да носат чисти пижами.
Експертите, пак, истакнуваат дека децата можат повеќе пати по ред да носат облека, а неопходно е да се промени кога на неа ќе видите дамки или кога ќе се појави непријатен мирис.
„Проблемот е што децата се валкаат почесто од возрасните, па овие дамки и мириси се појавуваат почесто. Едно општо правило е дека колку ткаенината е полесна и помека, толку почесто треба да ја перете. Но, сè додека не забележувате дамки, децата можат да ја носат облеката повеќе пати пред да ја ставите на перење“, истакнуваат тие.
Филип М. Тиерно, клинички професор по микробиологија, вели дека друга работа е со постелнината која мора да ја переме еднаш неделно.Тиерно објаснува дека нашите кревети брзо можат да станат „ботаничка градина“ на бактерии и габи од нашето тело.
