Грижата за хигиената на децата е многу важна, како за нивното здравје, така и за стекнување на правилни хигиенски навики уште од мали нозе. И додека туширањето се препорачува секојдневно, она што многу родители ги збунува е колку често треба да им ја мијат косата на децата.
Трихологот Олга Пониатовска ги наведува најчестите грешки кои родителите ги прават кога е во прашање негата на детската коса и ја решава оваа честа дилема.
„Повеќето родители ги прават овие грешки кога станува збор за детската коса“, и како прва грешка ја наведува тоа што не ја сушат косата на децата со фен.
„Косата на која и треба подолго од 15 минути природно да се исуши, треба да се суши со фен. Тоа значи дека можеме да оставиме пократка коса да се исуши природно, но кога косата е подолга, потребна е „помош“ од фен.
Трихологот Пониатовска советува при сушењето на косата на вашето дете да користите фен со одредена јачина, за да не му дува пресилно во главата на детето, туку дефинитивно да ја исушите косата на детето со фен за да избегнете проблеми со скалпот.
Она што изненади многумина е тоа што експертката наведува дека и на детската коса, исто како и на возрасните, и е потребен балсам доколку е подолга од 10 сантиметри. Понијатовска истакнува дека овој производ ќе го олесни чешлањето и ќе спречи заплеткување на косата на детето.
На прашањето, колку често треба да им ја мијат косата на децата, според неа, меѓу две миења не треба да поминат повеќе од три дена, а децата на возраст над три години треба двапати да нанесуваат шампон на косата.
„Децата си играат во песок, се валкаат, главите им се повалкани отколку што мислите“, порачува таа.
