Настинката е всушност доста честа појава, а возрасните во просек заболуваат од две до три пати годишно, пишува „Women’s Health“. Сепак, многу луѓе сè уште не го знаат точниот одговор на прашањето колку долго се всушност заразни кога ќе настинат.
Ако се разболите, може да ги развиете следните симптоми – болно грло, течење на носот, блага кашлица, кивање, слабост, губење на апетит и болки во телото, додава лекарката и специјалистка за заразни болести Патриша Куто
„Обичната настинка е вирусна инфекција на горниот респираторен тракт што може да биде предизвикана од голем број различни вируси“, вели семејниот лекар Ејми Зак. Бидејќи настинките се вирусни, единствениот начин за лекување на обичната настинка е многу одмор, да останеме хидрирани и да јадеме храна која го поддржува здравјето на имунолошкиот систем. Лекарката исто така нагласува и дека антибиотиците не ја лекуваат настинката.
„Ако се разболите, може да ги развиете следните симптоми – болно грло, течење на носот, блага кашлица, кивање, слабост, губење на апетит и болки во телото“, додава лекарката и специјалистка за заразни болести Патриша Куто. Кога станува збор за времетраењето на инфекцијата, одговорот може да ве изненади.
„Секој со настинка може да биде заразен додека има симптоми, а тој период во повеќето случаи е една или две недели. Исто така, истражувањата ни покажуваат дека најдобро е да почекате најмалку 72 часа откако симптомите ќе престанат пред да одите меѓу луѓето, бидејќи во спротивно многу лесно би можеле да ги заразите“, додава Зак.
