Одлуката за тоа дали жената ќе дои или не, е една од најважните кога ќе се породи. Со бројните предности за бебето, вклучувајќи помал ризик од обезност и подобри когнитивни способности, доењето има неверојатни предности за мајката.
Една од важните предности на доењето за мајката е потрошувачката на калории. Женските гради всушност стануваат фабрика за млеко за време на бременоста, а своето производство го почнуваат 24 часа по породувањето. 30гр мајчино млеко содржи над 20 калории, а бебето кое се храни само со мајчино млеко, просечно консумира 700гр млеко на ден во текот на првите шест месеци од животот. Звучи збунувачки?
Просечно тоа значи дека мајка која дои троши 500 дополнителни калории на ден. Таа бројка е поголема ако доенчето јаде повеќе или е помала ако детето има намален апетит.
Американското здружение за едукација во бременоста проценува дека новите мајки трошат дополнителни 425 до 700 калории на ден воо процесот на доење.
Дополнителното трошење на калории обично доведува до видливо и брзо намалување на килограмите во комбинација со здрави животни навики. Едно истражување покажало дека новите мајки кои дојат губат својно повеќе килограми во првата година по породувањето во споредба со мајките кои не доеле. Друга студија пак покажува дека добиенти 11 килограми во бременоста може да се изгубаѕ за шест месеци по породувањето исклучиво со доење.
