Паровите кои се обидуваат да добијат бебе веројатно слушнале различни приказни за зачнувањето и тоа од оние кои успеваат од прв пат, па се до оние кои со години се обидуваат.
Вистината е дека бременоста е различна кај секого. Сепак, сите не интересира колку долго вообичаено е потребно.
Постои едно старо правило, кое вели дека секој месец кога жената има односи за време на плодните денови, постојат шанси од 15 до 20% за бременост. Сепак, шансата за бременост зависи од голем број на фактори, а еден од клучните се годините.
Како влијаат годините на шансата за зачнување?
Во повеќето случаи, колку жената е постара, така и шансата за зачнување се намалува. Ова е статистиката.
- Ако имате помеѓу 20 и 24 години, шансите за зачнување се 86% во текот на годината.
- Ако имате помеѓу 25 и 29 години, шансите за зачнување се 78% во текот на годината.
- Ако имате помеѓу 30 и 34 години, шансите за зачнување се 63% во текот на годината.
- Ако имате помеѓу 35 и 39 години, шансите за зачнување се 52% во текот на годината.
Нешто поинаку покажала студија од 2003 година. Околу 80% од паровите кои немаат здравствени проблеми и кои активно се обидуваат да добијат бебе, зачнувањето е во рок од шест месеци.
Иако овие бројки може да бидат од помош на жените кои сакаат да знаат каде се наоѓаат, паровите треба да знаат дека не постои брзо и едноставно правило колку време ќе треба. Исто така, во зависност од тоа со кој лекар разговарате, или пак која студија ја следите, процентите може помалку да варираат.
Како побрзо да останете бремена
Добра вест е дека постојат повеќе начини да ги зголемите шансите за бременост. Прво, бидете сигурни дека сте го одбрае вистинскиот тајминг – плодни денови. Како втора важна работа се истакнува здравиот начин на живот (се однесува и на мажите, и на жените). Престанете да пушите, да пиете алкохол и доведете ја телесната маса во нормала.
Кој би требало да разговара со специјалист за зачнување?
- Ако имате 35 години, а за една година обидување, се уште не сте успеале
- Ако имате помеѓу 35 и 39 години, и се неуспешно се обидувате шест месеци
- Ако имате над 40 години и неуспешно се обидувате три месеци.
Тоа значи дека постојат многу причини парот да посети лекар многу порано. Жените кои имаат ендометриоза, нерегулиран циклус или историја на болести, како и оние кои имале два спонатни абортуси, треба да посетат специјалист.
