Имуниот систем е сложена мрежа на клетки, ткива и органи кои заедно му помагаат на телото во борба против инфекции и други болести. Кога микробите на вирусот ќе стигнат во организмот, го напаѓаат и се размножуваат.
Најнови истражувања откриле дека генетиката е клучот е силниот имунолошки одговор на вируси, а не околината, како што претходно се верувало. Но, важно е да се знае дека постојат две форми на имуниот систем. Првата е вродена и помага при препознавање на општите знаци на инфекцијата и реакцијата на нив. Втората форма е променлива и се гради низ животот, а зависи од разни штетни материи кои доспеваат во организмот.
Гените што ги пренесуваат родителите имаат поголема улога во способноста на телото да се бори против болести, отколку што претходно сметале научниците. Имуниот систем мора да се сочуван и силен за да произведува што повеќе антитела и така да го заштити телото од бактерии и вируси, но количината и видот на антитела што ги носи детето во себе, делумно зависат од имунитетот на мајката. Одредени ставки од имуниот систен се наследуваат, па така ако родителите имаат одредени генетски недостатоци во нивниот систем, може да ги пренесат на детето во некаква форма на имунолошка чувствителност.
Во текот на последните три месеци од бременоста, антителата од мајката се пренесуваат на нејзиното неродено дете преку постелката. Овој вид на имунитет се нарекува пасивен имунитет, оти бебето ги добило антителата наместо самото да ги произведе. Студии откриле дека со доењето може да се подобри имуниот систем на детето и да се заштити од болести.
