Без сомнение бременоста влијае на телото на жената и може да го доведе здравјето до крајни граници. Токму затоа постои голема веројатност дека жената во некој период од бременоста ќе се разболи. Затоа некои бремени жени чувствуваат како постојано да се борат со настинка.
Важно е да се препознаат знаците на слаб имунитет во бременоста. Така ќе може да ги разликувате симптомите на бременост и симптомите поради кои треба да посетите лекар. Општо гледано, показателите дека болеста се развива не се толку различни за трудниците и за оние жени кои не се бремени.
Уморни сте, кивате и кашлате истовремено, единствена разлика е во интензитетот и траењето на симптомите.
“Со оглед дека трудниците се посклони кон болести поради ослабениот имун систем, најдобро е да направите се што е во ваша моќ за да останете здрави. Тоа значи да избегнувате контакт со настинати лица, да пиете доволно течности, да спиете доволно и да имате балансирана исхрана“, вели гинеколог Рене Веленштајн.
Проверете дали ви е загрозен имунитетот и како да си помогнете да се опорави.
- Затнат нос и кашлица
Без разлика дали сте бремена или не, може да очекувате силна кашлица и затнат нос. Работата е во тоа што интензитетот на тегобите може да се влоши ако сте бремена.
“Може да доживеете сериозен или брз почеток на настинка, оти вашиот имун систем е ослабен за да ја одржи бременоста и да спречи спонтан абортус’, истакнува д-р Веленштајн.
- Контракции на матката
Ако се чувствувате лошо и имате грчеви, тоа може да го препишете на акутелната болест. Еднаш кога ќе се заразите по ослабен имунитет, може да чувствувате контракции на матката и грчеви. Тоа може, но и не мора да доведе до вагинално крварење. Разговарајте со својот гинеколог ако забележите крварење, за да бидете сигурни дека се е во ред со вас и со бебето.
- Дехидрација
Трудниците треба дневно да пијат 8 до 10 чаши вода. Недостатокот на течности за време на бременоста може да доведе до сериозни проблеми.
“Дехидрацијата во бременоста најчесто се јавува кога жената ќе добие температура, повраќа или има дијареа. Поради тие симптоми, може да доживее и вртоглавица, несвестица и контракции“, истакнува д-р Веленштајн.
- Рефлукс на желудочна киселина
Ако имате нагласен проблем со враќање на желудочната киселина, тоа може да биде показател дека вашиот имунитет се бори. Помеѓу вашиот ослабен имунитет и очигледните физиолошки промени во бременоста, голема е шансата за појава на состојба наречена рефлукс на киселина.
- Вртоглавица
Пребрзото станување кај трудната жена може понекогаш да предизвика моментална вртоглавица, но не треба да ја чувствува при секое станување.
“Проширената матка може да предизвика компресија на главниот стомачен крвен сад, што поттикнува појава на вртоглавици. Ако состојбата често се повторува, тоа може да биде знак дека се случува нешто посериозно“, смета гинекологот д-р Паул Гуха.
- Повраќање
Повраќањето е дел од бременоста, зарем не? Одговорот на ова прашање е не.
Мачнината и повраќањето се чести знаци на рана бременост и тие обично исчезнуваат по 20. недела. Мачнината и повраќањето не се нормални манифестации во бременоста кога се проследени со абдоминална болка, треска, дијареа или главоболка, особено во подоцната бременост. Ако чувствувате болка подолго време, разговарајте со стручно лице.
