Истражувачите спровеле истражување за улогата на екстрактот од калинка во спречувањето на инфекцијата со вирусот SARS-CoV-2.
Студијата е објавена во списанието „Молекуларна и клеточна биохемија“, а истражувањето го предводела Реља Суручиќ од Одделот за фармакогнозија на Медицинскиот факултет на Универзитет во Бања Лука, БиХ. Истражувачите имале намера да ги истражат придобивките од калинката затоа што има неколку својства што можат да ги инхибираат ефектите на SARS-CoV-2. Тука се вклучени: антиинфламаторни ефекти, антиоксидантни ефекти, хипогликемиски ефекти или ефекти на намалување на шеќерот во крвта, ефекти на намалување на липидите или холестеролот, ефекти против хипертензија или намалување на крвниот притисок, антимикробни ефекти.
Пуникалагин и пуникалин се ветувачки кандидати за понатамошни ин витро и ин виво студии против SARS-CoV-2
Истражувачите изјавиле дека екстрактите се корисни против вируси кои предизвикуваат грип, херпес и против вируси на хумана имунодефициенција. Оваа студија покажала дека екстрактите од кората на калинка, како што се пуникалагин и пуникалин, покажуваат значаен потенцијал во интеракција со одбрани протеински цели и на тој начин би можеле да спречат влегување на вируси во клетката домаќин.
„Пуникалагин и пуникалин се ветувачки кандидати за понатамошни ин витро и ин виво студии против SARS-CoV-2“, додаваат истражувачите, а пренесува „News Medical“.
