Користено седиште за во автомобил не смее да биде постаро од 4 години
Дали сте знаеле дека и седиштата имаат рок на траење? На повеќето автоседишта рокот им истекува по шестата година, но зависи иод производител до производител. Добро проучете го прирачникот за својот модел. Кога ќе истече рокот, ги нема истите безбедносни стандарди. Треба ја знаете “историјата’ на седиштето: колку е старо, дали учествувало во сообраќајна несреќа, што со користените модели често е невозможно.
Експертите објаснуваат дека користеното седиште за бебе не треба да биде постаро од четири години. Со тоа ќе се осигурате дека може да го користите барем уште две години, додека бебето не порасне и не биде погодтвено за нов тип на седиште.
Подобро е да купите нова пумпа за измолзување
Овие апарати може да бидат многу скапи и можеби мислите дека не ви се исплатува да купувате, оти може и да немате потреба за измолзување. Ако е така, во право сте. Но, ако мислите да комбинирате доење и измолзување, или од некои причини сакате само да асе измолзувате, вложете во купување нова пумпа, оти некои бактерии и вируси може да се пренесат во мајчиното млеко. Повеќето пумпи имаат делови кои не можат до крај да се исчистат или заменат. Нема да можете целосно да ја стерилизирате позајмената пумпа, па може да дојде до заразување на млекото со бактерии. Можно е и по некое време пумпата да не работи така добро како што треба, па ќе се мачите со измолзувањето.
Ново креветче е побезбедно од старо
Американската педијатриска академија предупредува дека лупењето боја и рапавите места или иверката, може да бидат опасни за бебето, за шансата за таа опасност се зголемува колку колевката е постара и покористена. Во САД со закон е забранета продажба на колевки и креветчиња со страни кои се спуштаат.
Бидете внимателни со плишаните играчки
Убаво е кога некој, особено ос семејството, ќе ви ја понуди омилената плишана играчка од неговото бебе кое веќе е пораснато, но внимавајте што земате. Постои реална опасност од пренос на бактерии преку плишаните играчки. Ако сепак сакате на своето бебе да му ја проследите омилената плишана играчка, не паничарете. Темелно исперете ја и проверете дали постои опасност од гушење, како зашиени очи или копчиња кои може да отпаднат од играчката.
