Градинките и училиштата во земјава се затворени, децата се дома со родителите. Но, децата не можат цел ден да бидат затворени во 4 ѕида, велат родителите, па со децата одат по паркови и на детски игралишта. Но, колку е тоа безбедно?
Директорот на Заводот за јавно здравје на Хрватска, д-р Крунослав Чапак, препорачува престој на отворено, но без социјален контакт.
“Престојот на отворен простор се препорачува, тогаш инфекциите кои се пренесуваат по капков пат, всушност не се пренесуваат. Подобро е да се престојува надвор, но треба да се избегнува социјален контакт. Децата да не се доближуваат премногу едни до други. Потребно е да се огранични социјалниот контакт на што покусо време“, вели д-р Чапак.
Добро е децата да се на воздух, но не е добро да се дружат.
“Многумина ме прашуваат за децата. Добро е децата да се на воздух, но не е добро да се дружат. Одговорноста е на родителите, не на децата“, истакна и министерот за здравство на Хрватска, Вили Берош.
