Не мислиме дека оваа вакцина ќе биде конкретно решение за COVID-19, но има потенцијал да ни купи неколку години додека не се направат вакцините против COVID или можеби да се развијат други терапии
Научниците во Велика Британија започнаа со тестирање на Бе-се-же вакцината, создадена во 1921 година, за да утврдат дали може да спаси животи од COVID-19.
Вакцината е направена за да ја запре туберкулозата, но има докази дека може да заштити и од други инфекции.
Околу илјада луѓе ќе учествуваат во истражувањето на Универзитетот Екстер.
Иако милиони луѓе во Велика Британија и ширум светот ја примиле оваа вакцина како деца, се верува дека би требало да се вакцинираат повторно за да имаат корист од неа. Вакцините се направени за да го „истренираат“ имунолошкиот систем да одговори на одредени инфекции и така да го заштити нашето тело.
Но, тоа доведува и до големи промени во имунолошкиот систем, така што го појачува одговорот и на други инфекции, поради што научниците се надеваат дека нашите тела се во предност против новиот коронавирус.
-
Претходните клинички истражувања покажаа дека Бе-се-же вакцината ја намалува смртноста кај новороденчињата во Гвинеја-Бисао, намалувајќи го бројот на случаи на пневмонија и сепса;
-
Истражувањата во Јужна Африка ја поврзуваат вакцината со 73 проценти намалување на инфекциите на носот, грлото и белите дробови;
-
Истражувањето во Холандија покажале дека Бе-се-же вакцината го намалува присуството на вирусот на жолта треска во организмот.
„Ова може да биде многу значајно на глобално ниво“, изјави професорот Џон Кембел од Универзитетот во Екстер за Би-Би-Си.
„Не мислиме дека (заштитата) ќе биде конкретно решение за COVID-19, но има потенцијал да ни купи неколку години додека не се направат вакцините против COVID или можеби да се развијат други терапии“.
Истражувањето во Велика Британија е дел од меѓународното истражување на Брајс, кое исто така се спроведува во Австралија, Холандија, Шпанија и Бразил. Вкупно 10.000 луѓе ќе учествуваат во него. Истражувањето ќе се занимава со здравствените работници, бидејќи тие имаат најголема веројатност дека ќе бидат изложени на коронавирусот, па истражувачите побрзо ќе знаат дали вакцината делува.
Сем Хамилтон, општ лекар од Екстер, ќе учествува во истражувањето затоа што, како лекар, е изложен на поголем ризик од коронавирус.
„Прилично е добра теоријата дека Бе-се-же вакцината може да ја намали веројатноста ако добиете COVID-19 да се разболите потешко“, вели Хамилтон. „На ова гледам како можност да се заштитам подобро и да ги зголемам шансите да одам на работа и оваа зима“, додава тој.
Иако милиони луѓе во Велика Британија и ширум светот ја примиле оваа вакцина како деца, се верува дека би требало да се вакцинираат повторно за да имаат корист од неа. Вакцините се направени за да го „истренираат“ имунолошкиот систем да одговори на одредени инфекции и така да го заштити нашето тело
Д-р Тедрос Аданом Гебрејесус, генерален директор на Светската здравствена организација, во една статија во научното списание „Лансет“ изјави дека Бе-се-же вакцината има потенцијал „да го надомести времето додека не се развие вакцина специјално за оваа болест“.
„Ова би можело да биде важна алатка за одговор на COVID-19 и идните пандемии“.
Сепак, Бе-се-же вакцината нема да биде долгорочно решение. Се очекува секој стекнат имунитет на COVID-19 брзо да исчезне, што значи дека луѓето кои добиле Бе-се-же во детството не се заштитени. Вакцината не се дава редовно во Велика Британија од 2005 година, бидејќи туберкулозата е многу ретка. Затоа, оваа вакцина не го истренирала имунолошкиот систем да произведува антитела и специјализирани крвни клетки кои можат да го препознаат и да се изборат против коронавирусот.
Крајната цел и понатаму е вакцина која конкретно е насочена кон коронавирусот. Десет вакви вакцини се во завршна фаза на клинички испитувања, вклучувајќи и една што ја разви Универзитетот во Оксфорд.
Професорот Ендру Полард, од Групата за вакцини во Оксфорд, изјави за Би-Би-Си дека „повеќето вакцини работат врз принципот на предизвикување специфичен одговор на имунолошкиот систем на микробот што сакате да го спречите“.
„Но, со цел да се добие добар имунолошки одговор, постои и широко појачување на целиот имунолошки систем, што го менува начинот на реагирање на организмот во иднина. Проблемот што го имаме денес лежи во тоа што не можам да ви кажам што можете да правите со другите вакцини за да ја подобрите способноста за одговор на коронавирусот, бидејќи воопшто немаме докази“. (Би-би-си)
