Американското здружение на офталмолози ги предупреди своите членови да водат сметка дека конјунктивитисот, познат и како „црвено око“, кај некои пациенти може да укажува на ран знак на инфекција со коронавирус. Затоа од друштвото им препорачуваат на своите колеги да се заштитат при преглед на пациенти со воспаление на очната спојница, кои патем имаат и температура и респираторни проблеми.
Притоа, офталмолозите се повикуваат на две кинески студии спроведени на пациенти хоспитализирани поради коронавирус. Во првата, вирусниот конјунктивитис бил пронајден во просек кај секој 30. пациент, а во втората студија кај секој 20. заболен.
Kонјунктивитисот, познат и како „црвено око“, кај некои пациенти може да укажува на ран знак на инфекција со коронавирус
Неодамна, француските, британските и американските отолариноларинголози предупредија дека аносмијата – губење на мирис – исто така може да биде симптом. Во Германија, тоа е константирано во просек кај двајца од тројца пациенти. Во Јужна Кореја, каде што тестирањето било најраширено, имало 30 проценти застапеност.
Постојат три главни симптоми на инфекција со коронавирус: покачена температура, сува кашлица и недостаток на воздух. Наспроти симптомите на грип кои настануваат нагло, симптомите на Ковид-19 во рана фаза се развиваат со денови.
Некои клиничари меѓу ретките рани симптоми детектирале и болка во грлото и гастроинтестинални проблеми.
