Луѓето би требало да носат маска и дома за да спречат инфекција со новиот коронавирус кога им доаѓаат посетители однадвор и не се во можност да одржуваат социјална дистанца, препорача вчера Светската здравствена организација. Дополнително, маски би требало да се носат дома за време на посета ако е нејасно дали просторијата била добро проветрена, според новите упатства.
СЗО претходно се залагаше за носење маски во простории во кои е гужва. Од организацијата сега препорачуваат широка употреба на маски во здравствени установи.
Персоналот и останатите рабоници кои не се вклучени во болничката нега ставени се на листата на лица кои би требало постојано да го покриваат носот и устата. Пациентите исто така би требало да носат маски во ситуации кога доаѓаат во близок контакт со други лица.
Во раните фази на пандемијата со КОВИД-19, СЗО изрази скепса по прашање на маските и не се залагаше во целост за нивно носење, иако земјите во Европа почнаа да ги копираат земјите во азиските држави каде маските нашироко се користат заради спречување на пренос на настинки.
СЗО повтори дека маските може да луѓето да им дадат погрешно чувство на заштита и дека поради тоа имаат навика да заборават на останатите клучни превентивни мерки.
