Денес, ковид центрите кои функционираа во рамките на Интерните клиники во Клиничкиот центар се затворија. Ковид одделенијата кои функционираа на Клиниката за дерматовенерологија и неврологија, како и на останатите клиники во рамките на интерните, поради намалениот број на пациенти и намалената потреба за хоспитализација на лица инфицирани со новиот коронавирус повеќе нема да работат.
Тоа, според надлежните, значи дека притисокот врз болниците е многу намален, за што говори и податокот за затворање на ковид центрите и на Клиниката за урологија, за пластична хирургија, Трауматологија, Уво, нос и грло, Очни болести, Гастроентерохепатологија, како ви во детската болница Козле.
Сите овие ковид центри за целиот период помеѓу двата брана на пандемијата не престанаа со третман на пациенти со коронавирус, кои имаа потреба од згрижување во болница.
Им благодариме на сите здравствени работници кои месеци наназад посветено и неуморно го издржаа притисокот со кои беа соочени и им пружија рака на оние на кои им беше потребна.
Нема да ја заборавиме вашата човечност и храброст!
