Иако крварењето во текот на бременоста не е ненормална појава, сигурно е неочекувано и вознемирувачко. Добра вест е дека точкастото или лесно крварење во рана фаза од бременоста, кое не е како менструално крварење, се јавува кај речиси една третина од сите идни мајки и често не претставува закана за мајката или за детето.
Вообичаено е мал процент од трудниците да имаат крвави дамки по сексуалниот однос, но до крварење може да дојде и од причини кои немаат врска со бременоста, како инфекции. Но, крварењето колку и да е мало, може да укажува на низа комплиакции, вклучувајќи и спонтан абротус и вонматерична бременост, и затоа никогаш не смее да се занемари.
КРВАРЕЊЕ ВО ПРВИТЕ 20 НЕДЕЛИ ОД БРЕМЕНОСТА
Лекарите проценуваат дека 25 до 40% од жените доживуваат некаква форма на вагинално крварење во текот на раната бременост. Според Американското здружение за бремени жени, постои низа можни причини за крварење во првите 20 недели од бременоста, а тие вклучуваат:
- Имплантациско крварење
- Полов однос
- Инфекции
Но, крварењето во текот на првата половина од бременоста, може да биде знак и за сериозни состојби како:
- Субхорионско крварење
- Биохемискабременост
- Спонтан абортус
- Ектопична бременост
- Моларна бременост
КРВАРЕЊЕ ПО 20. НЕДЕЛА ОД БРЕМЕНОСТА
Иако ризикот од спонтан абортус се намалува по првото тромесечје, а многу претходни компликации не се веќе фактор (како ектопична и моларна бременост), крварењето за време на втората половина од бременоста треба да се сфати сериозно, особено ако трае подолго време.
Причините за крварење во втората половина од бременоста вклучуваат:
- Полов однос
- Преглед на грлото на матката
- Одвојување на плацентата
- Предвремено породување
