Трихотиломанијата е вброена во посебна група на пореметувања наречена “пореметување на контрола на импулсот“. Во оваа група спаѓаат и клептоманија, пироманија и патолошко коцкање.
За што станува збор? Во основа на ова пореметување е силен импулс за кубење на сопствените влакна, а тоа значи дека децата кои патат од ова пореметување не се во состојба да се спротистават на овој импулс. Делови на телото од каде се кубат влакната се главно сите космати делови, почнувајќи од главата – косата (децата обично пред спиење ги кубат влакната од одреден дел, и неретко истите ги ставаат во уста), веѓи, трепки, а кај возрасните и пазуви, брада или интимниот дел.
Бидејќи многу често се намалува значењето на овој проблем од страна на детето или родителот или семејството доаѓа преку обиколен пат до психолог преку дерматолог, постојат критериуми со помош на кои ќе знаете дали станува збор за трихитиломанија, а тоа се:
- Постојано повторување на кубење влакненца, што предизвикува впечатливо губење на влакнетоста на одредени делови на телото (трпеки, веѓи, коса…)
- Растечко чувстство на тензија при кубењето или доколку импулсот се спречи
- Чувство на задоволство или опуштеност кога влакното ќе се искубе
- Проблемот е често во корелација со социјална дисфункција на детето (изолација од врсници и родителите, осаменост на детето).
Ова пореметување е во врска со висока анксиозност (напнатост) на детето, притеснување на искажување на агресивноста, бидејќи родителите многу често нагласено се насилни, опсесивни симптоми од типот на броење, проверка, миење раце… или присилни мисли. Нејасно е дали депресивноста е причина или последица, но евидентно е дека децата се посрамени, осмени, повлечени, склони на изолација, безволни, со ниско самопочитување и самодоверба. Кај децата со трихотиломанија неретко може да се воочи и грицкање на нокти, удирање на главата или гребење на кожата.
