Децата кои лажно плачат не го прават тоа поради страв или повреда, а таквото плачење лесно може да го препознаете кога ќе видите дека сите потреби на бебето се задоволени. Бебињата кои лажно плачат сакаат да им се приближат на родителите, на момент да га стопираат и набљудуваат реакцијата на родителите, што значи дека се свесни за своето однесување. Зошто бебињата лажно плачат и како да се поставите во тие ситуации?
Желба за родителско внимание
Не постои одредена возраст кога бебето почнува лажно да плаче, но најчесто тоа се случува помеѓу шестиот месеци и една година кога бебето стекнува комуникациски вештини. Децата најчесто го прават тоа кога се сигурни дека некој ќе ги слушне.
Најчеста причина за лажно плачење е да се привлече вниманието на родителите. Во овие ситуации, детето ќе се радува штом ќе се приближат родителите и повторно ќе заплаче кога ќе си заминат. Понекогаш со ова плачење децата сакаат да го покажат своето несогласување со нешто, на пример со крајот на играта или со читањето приказни. Штом активноста се рестартира, плачот ќе престане.
И малите деца кои доживуваат тантруми, понекогаш плачат лажно ако нивните желби не се исполнат веднаш, но бесот обично е придружен со други реакции како што се емоционална чувствителност, врескање, удирање или фрлање на подот.
Комуницирајте со бебето
Генерално, нема потреба да се запре ова плачење бидејќи се намалува како што бебето расте. Меѓутоа, во одредени моменти можете да ја олесните ситуацијата така што ќе го одвлечете вниманието на вашето бебе од причината за незадоволството и ќе му понудите нешто друго.
Ако секој пат го земате бебето и го утешувате веднаш штом ќе почне да плаче, тоа може да стане предвидлива реакција за него. Обидете се еднаш да реагирате поинаку, кажете му на бебето не и застанете покрај него, но не го земајте во раце. Новата реакција ќе го заинтересира бебето и ќе ги намали шансите повторно да заплаче.
Зборувајте со бебето во моментите на лажен плач. Покажете ја играчката и прашајте ја дали ја сака или можеби сака да ја јаде. Именувајте ги најчестите желби и потреби на бебето и вперете го со прстот кон нив за да му дадете пример на бебето следниот пат да покажете што треба, наместо да плаче.
Најголемиот предизвик е да го игнорирате плачот на бебето, дури и кога е лажен, но понекогаш нема да има друг избор освен да го оставите детето да го направи своето и да почекате да се смири. Секако не треба секој пат да го игнорирате лажниот плач, бидејќи детето со него изразува некаква потреба и важно е да разбере што го мачи.
