Иако многумина ќе речат дека не е можно, оваа ситуација е можна и особено е непријатна ако сакате да забремените или се борите со неплодност.
Но, овие 6 ситуации може да предизвикаат лажно позитивен тест на бременост:
Сте утврдиле почетна бременост која веќе ја нема
Бременост со денешните тестови може да се откире многу рано, веќе од првиот ден на доцнење на месечниот циклус. Ако тогаш добиете позитивен резултат, а по една недела го повторите тестот кој покажува негативен резултат, можно е бременост веќе да нема. Секоја жена ќе се запраша кој резултат е точен? Поверојатно е поновиот негативен тест да е точен, оти познато е дека многу бремености не ги преживуваат првите недели.
Тестот не е правилно направен
Ако го погледнете тестот по препорачаното време, во прозорчето може да се развие слаба линија на позитивен тест. Но, тоа не е исто што и позитивен тест. Затоа е важно да се проверат упатствата за користење на тестот. Ако на тестот видите слаба линија, а се сте направиле исправно, тоа звучи како позитивен резултат.
Тест со поминат рок
Пред употреба, проверете го рокот на траење на тестот, оти во него се наоѓа чувствителни хемиски соединенија и самиот процес на тестирање може да биде загрозен ако хемикалиите се стари.
Ако сте во постапка на вештако оплодување, тестот може да биде лажно позитивен
Домашниот тест за бременот го мери нивото на хормонот на бременост ХЦГ во урината и го регистрира неговиот раст на почетокот на бременоста. Ако сте во постапка на биопотпомогнато оплодување веројатно ќе добиете лекови со овој хормон, па неговите зголемени вредности ќе ги регистрира и овој тест и ќе покаже позитивен резултат, која не е бременост. Затоа најпроверен е тестот преку крв.
Неодамна сте се породиле и нивото на ХЦГ е се уште висок
Вредностите на ХЦГ стануваат негативни околу четири недели по породувањето. Ако се тестирате набрзо по породувањето, поразговарајте со својот лекар и направете тест со крв кој ќе ви покаже колку навистина е вредноста на хормонот.
Може да укажува на невообичаена медицинска состојба или болест
Важно е да знаете дека ова се случува многу ретко. Но, постојат одредени болести кои предизвикуваат зголемување на ХЦГ, како некои тумори на пример. Затоа е најдобро да се направи консултација со гинеколог.
