Зошто тестот може да покаже лажни резултати?
Според пишувањето на „Harvard Health“, лажно позитивен резултат може да се јави иако не сте заразени со вирусот.
КОЛКУ ЧЕСТО СЕ СЛУЧУВА?
Колку точен ќе биде резултатот од тестот зависи од голем број фактори. Понекогаш се работи за тоа кога сте се тестирате, но исто така е важен фактор и тоа колку вирус имате во себе во моментот на тестирањето. Во принцип, луѓето кои се вакцинирани и немаат симптоми, често може да имаат лажно позитивен резултат на тестот, според Американскиот центар за превенција и контрола на болести, од каде што препорачуваат дека лицето не треба да се тестира ако нема симптоми или е вакцинирано, поради можноста од лажен резултат. Според експертите, во области каде што има малку заразени и каде што повеќето луѓе се вакцинирани, шансите за лажно позитивен резултат се најголеми бидејќи тестот е сепак најточен кога некое лице покажува симптоми, а тоа е период од 10 дена по појавата на симптомите.
ДАЛИ ОДРЕДЕНИ ТЕСТОВИ ПОЧЕСТО ПОКАЖУВААТ ЛАЖЕН РЕЗУЛТАТ?
Брзиот антигенски тест кој често се користи дома, дава точни резултати кај луѓето кои имаат симптоми во 99,6 проценти од случаите, а повеќето од нив даваат резултати за околу 20 минути.
„Таквите тестови се корисни ако ви требаат резултати веднаш, но сепак, се сметаат за помалку сигурни од ПЦР тестот. Исто така, постои шанса да добиете лажен резултат поради фактот што брзите тестови сепак не се 100 проценти точни“, објаснува д-р Шарлин Браун, експерт за јавно здравје.
Според експертите, во области каде што има малку заразени и каде што повеќето луѓе се вакцинирани, шансите за лажно позитивен резултат се најголеми
ПЦР тестот во една студија покажа дека дава добри резултати во 97,2 проценти од случаите, но кога станува збор за лажни резултати тука процентот е 0. Најточни податоци дава околу 8 дена по појавата на првите симптоми.
„ПЦР тестот се смета за златен стандард во откривање на болеста и во повеќето случаи е поточен од брзиот тест“, додава Браун.
КАКО ДА ОСИГУРАТЕ ТОЧНИ РЕЗУЛТАТИ НА ТЕСТОТ?
Сите знаеме дека е прилично непријатно чувство тестирањето за Ковид, но исто толку е важно да се направи доколку има потреба за тоа. Покрај тоа, најпаметно е да направите неколку тестови, а не само еден, ако сметате дека е потребно.
„Брзите тестови се добра потврда, но за жал не се секогаш точни. Некои доаѓаат во пакувања од 2, а вие искористетете ги и двата за да бидете сигурни во резултатите. Важно е да направите и ПЦР тест по брзиот тест, бидејќи тие се сепак многу посигурни“, додава Браун и заклучува дека е важно да се тестираме, но уште поважно е да се вакцинираме за да се заштитиме себеси и другите.
