Покачената телесна температура или треската е еден од најчестите симптоми што се јавува кај децата поради бројни „зимски“ инфекции – настинки, вируси и слично. Важно е родителите да знаат точно како да му помогнат на своето дете, кога и како да ја спуштат температурата, а се за тоа разјаснува педијатарот и професор на Универзитетот Сеченов, д-р Павел Березански.
Тој прво објаснува зошто понекогаш децата кога имаат температура се бледи и се тресат.
„Телесната температура се зголемува кога вирусите и бактериите влегуваат во телото. Таквата реакција е всушност одбрана на организмот, а телото произведува пирогени, супстанции поради кои телото се „грее“, кои го стимулира нервниот систем и поттикнуваат стеснување на крвните садови. На овој начин телото ја задржува топлината што веќе ја има. Ова е причината зошто детето е бледо кога има температура. Но, ниската температура не е доволна за да ги убие бактериите, па мускулите почнуваат да работат за уште повеќе да ја зголемат температурата, па поради тоа детето почнува да се тресе. По правило, температурата од околу 38,5 до 39 степени е доволна за борба против патогени. Затоа, кога телото ќе ја достигне таа температура, мозокот издава команда за проширување на крвните садови. Тогаш детето поцрвенува во лицето, се поти и престанува да се тресе“, објаснува докторот за и открива и кога треба да се спушти температурата.
“Кај температура од 38,5 степени започнува производството на интерферон, протеин кој се бори против бактериите и вирусите. Затоа, ако детето добро поднесува температура од 38,5 или дури 39 степени, нема потреба да ја намалувате со лекови. Сепак, сè е индивидуално. Некои деца се чувствуваат многу лошо дури и кога имаат благо покачена температура – може да имаат силна главоболка и да ги боли целото тело. Се разбира, не треба да дозволите така да се мачат, во ред е да им дадете антипиретик“.
Д-р Бережански вели дека температурите до 38 степени треба да се спуштат и кај децата кои имаат некои хронични заболувања, како и кај бебињата до три месеци или ако детето претходно имало конвулзии.
Секако, треба да се спушти високата температура, а докторот вели дека ако надмине 39 степени, постои ризик да достигне 40 или повеќе степени.
Затоплување на дете со треска
Многу луѓе и денес, а тоа особено се правело порано, го покриваат детето кога има зголемена температура, за да се загрее. Меѓутоа, тоа е грешка.
„Ако детето има температура, не облекувајте му џемпери, волнени чорапи, не го виткајте во ќебе, инаку температурата ќе се зголеми побрзо. Отстранете ја вишокот облека, проветрете ја просторијата. Температурата во просторијата во која престојува дете со треска не треба да надминува 21 степен“, вели д-р Березански, советувајќи децата со температура почесто да пијат вода. „Ова го поттикнува потењето и ја намалува темературата. Освен тоа, многу течности се важни за поефикасно делување на антипиретиците“.
Кои лекови се најдобри?
Д-р Бережански вели дека парацетамолот и ибупрофенот се најдобри за намалување на температурата кај децата, а за бебиња до три месеци се користи само парацетамол. Неговиот совет е родителите да ги имаат при рака овие лекови во различни форми – супозитории, сируп и таблети. Се препорачуваат супозитории за употреба кај деца до една година, сируп за деца до седум години, додека постарите деца можат да земаат и таблети.
Кога е потребна итна медицинска реакција
Лекарот посочува дека генерално високата температура сама по себе не е причина за итна медицинска помош, туку доволно е да се грижи за детето според упатствата дадени од педијатар. Меѓутоа, во некои случаи, потребна е итна медицинска реакција:
- Детето има изменета свест или конвулзии
- Дехидрирано – не мокри, мукозната мембрана е сува, нема солзи при плачење
- Има потешкотии со дишењето – нагло влошување или отежнато дишење, невообичаени звуци на дишење
- Има осип што не исчезнува кога ќе ја притиснете кожата
- Детето има силна главоболка и по земање антипиретици
- Постојано повраќање
- Се чувствува лошо и има температура над 40 степени дури и по земање антипиретици
- Има акутни болки во стомакот
- Помлада е од три месеци
