ОСИП ОД ЖЕШТИНА
“Жешкото време може да предизвика детето да се исипе од глава до пети. Изложеноста на високи температури, а особено и кога е присутна и влага, на кожата се појавува милиариа, позната како осип од топлина или жештина“, вели д-р Дирк Елстон, дерматолог од Пенсилванија.
Кога потните жлезди се блокираат, на кожата се забележуваат црвени испапчувања – мозолчиња најчесто на лицето и на рацете.
Важно е дека овој осип не е сериозен проблем и обично се повлекува сам. Она што можете да го направите е да не го мачкате детето со креми и лосиони кои ги запушуваат порите, и почесто да го капете детето.
За да ја превенирате оваа појава, потребно е доколку е можно, да ја одржувате детската кожа сува и да му облекувате облека од природни и лесни материјали.
ОСИП ПОСЛЕ ПЛИВАЊЕ
Причина за осипот кој се појавува откако детето ќе излезе од базен, езеро или море може да бидат неколку работи. Ако осипот се појави под костимот за капење (најчесто на задникот и бутовите), причина е лошо хлориран базен или доашен базен со топла вода.
- Ако на телото се појават црвени мозолчиња и чешање по капењето во море, може да причина да се некои морски организми кои се “залепиле“ на костиот за капење.
- Ако чешањето и мозолчињата се појавуваат на делови на телото кои не биле покриени со костимот за капење, тогаш е реакција на телото на солена или слатка вода.
- Сите овие осипи се повлекуваат по одредено време, но посоветувајте со фармацевт за некои препарати кои може да му обезедат олеснување на состојбата на детето.
