На почетокот, бебињата ги користат двете раце подеднакво, но со текот на времето кај повеќето едната рака станува подоминантна. Доминантна е раката што се користи почесто, поагилна е и со неа побрзо ги извршуваме задачите. Поголемиот дел од луѓето се деснаци, а нешто помалку од 10 проценти од луѓето се леваци, додека уште помал е процентот на оние кои подеднакво ја користат и десната и левата рака и оние кои подобро изведуваат некои дејства со левата, а некои со десната рака.
Раката во која детето ја држи боичката додека црта или раката со која детето ја фаќа топката кога ќе му ја фрлите, најверојатно ќе стане доминантна
Доминантната рака се развива со текот на времето, а одредени знаци откриваат која рака може да стане доминантна уште на рана возраст. Доминантната рака е одговорна за изведување на фини и груби моторни вештини како што се пишување, сечење, фаќање и фрлање топка.
Доминантна е раката што се користи почесто, поагилна е и со неа побрзо ги извршуваме задачите. Поголемиот дел од луѓето се деснаци, а нешто помалку од 10 проценти од луѓето се леваци
Дали ќе бидеме леваци или деснаци зависи од генетиката и нашиот мозок, и тоа и не можеме свесно да го избереме. Во почетокот, кога ќе ги откријат своите раце, бебињата подеднакво ги користат. Повеќето деца ја покажуваат својата доминантна рака на возраст помеѓу две и три години. Некои деца ќе покажат знаци на доминација веќе на 15 месеци, а кај некои деца нема да можеме да ја препознаеме доминантната рака до петтата или шестата година, кога почнуваат првите обиди за пишување.
Доминацијата на раката не е свесен избор
Дали вашето дете ќе биде левак или деснак, ќе можете да погодите според тоа со која рака главно ги извршува секојдневните задачи како што се земање играчки или хранење.
Еден од знаците може да забележите и во игрите со преправање, како што е готвењето. Ако детето го меша замислениот ручек спротивно од стрелките на часовникот, веројатно ќе биде леворако.
Раката во која детето ја држи боичката додека црта или раката со која детето ја фаќа топката кога ќе му ја фрлите, најверојатно ќе стане доминантна. Некои родители сè уште се потпираат на застарените верувања дека левораките деца треба да се поправаат за да бидат деснораки, но вие не треба да го правите тоа. Доминантната рака не е прашање на одлука и противење на природните поставки, тоа може да предизвика само фрустрација и недостаток на самодоверба кај детето.
