Лубеницата и дињата имаат висока содржина на витамин А и Ц, па дури и на калциум. Дињата има неверојатна концентрација на бета каротен, што ја прави одлична намирница која помага за здрав вид и развој на очите. Само 100 грама диња содржи 100 проценти од дневните потреби за внес на витамин А. Лубеницата е здраво и хранливо овошје за децата. Сочна и водлеста, полна со бета каротен, лубеницата најверојатно ќе биде една од омилените храни за вашето бебе.
- КОГА СЕ ВОВЕДУВААТ ВО ИСХРАНАТА
Дињата и лубеницата може да се воведат во исхраната на бебето по осмиот месец, но сепак некои ја воведуваат веќе од шестиот месец од животот на детето. Сепак, не заборавајте дека бебе може да добие осип и од диња и од лубеница.
Доколку вашето бебе има осип кој може да го поврзете со дињата или со лубеницата, тоа најверојатно е поради нивната “киселост“, а не поради алергиска реакција. Како и екогаш, се советува првенствено да се консултирате со педијатар пред воведувањето на нови намирници во исхраната на детето.
|
ДИЊА (100ГР – испасирана) |
|
| Витамини: | Минерали: |
| Витамин A – 5276 IU | Калиум – 417 мг |
| Витамин Ц – 57.3 мг | Фосфор – 23 мг |
| Витамин Б1 (тиамин) – .06 мг | Магнезиум – 19 мг |
| Витамин Б2 (рибофлавин) – .03 мг | Калциум – 14 мг |
| Ниацин – 1.14 мг | Натриум – 25 мг |
| Фолна киселина – 33 мцг | Железо – .33 мг |
Лубеницата е богата со витамините А, Ц, Б1 и Б6, како и минералите калиум и магнезиум. Поради ова може да се каже дека поседува висока нутритивна вредност, оти не го оптоварува организмот со непотребни калории, а истовремено му обезбедува на телото важни хранливи материи.
Растителниот пигмент – ликопен, кој ја дава црвената боја, главно се поврзува со доматот. Познато е дека е растворлив во масти и поради тоа телото подобро го апсорбира кога се консумира во форма на сос од домати. Но, помалку е познато дека ликопен содржи и лубеницата и мангото. За ликопенот е докажано дека има заштитна улога во организмот која се огледува во превенцијата од појава на некои видови на карцином, како што е рак на простата, дојка, дебело црево и бели дробови.
