Поврзувањето со бебето не е секогаш едноставно. Не доаѓа природно за сите татковци, па понекогаш дури ни за сите мајки веднаш по раѓањето на бебето. Но, за среќа, постојат мали дневни нежности што можат да ви помогнат во тоа. Ниту се напорни, ниту досадни, а голема е веројатноста дека веќе ги правите – сега само станете свесни за нив и уживајте!
Разговарајте со бебето – иако бебето не разбира зборови, вашата интонација, емоции и звукот на гласот му даваат чувство на сигурност. Раскажувајте му што правите, пејте му или едноставно нежно зборувајте му. Кажете му „те сакам“ – тоа ќе создаде уште поголема блискост и ќе ве направи посреќни
Гледајте го бебето во очи – поврзувањето со бебето е најлесно преку поглед, научно е докажано дека бебињата секогаш го бараат погледот на мама или тато.
Мирисајте го бебето – мирисот на бебето ги активира центрите во мозокот одговорни за љубов и грижа, а го поттикнува и лачењето на окситоцин – хормонот на љубовта.
Кожа на кожа – со причина бебињата веднаш по раѓањето се ставаат на голите гради на мајката и остануваат таму барем еден час. Овој допир го поттикнува лачењето на хормони задолжени за доење и поврзување со бебето.
Доење – доењето е најлесниот начин на поврзување. Ако не можете да доите, не грижете се – самиот чин на хранење создава врска меѓу вас и бебето.
Плачот на бебето – плачот има своја цел во процесот на поврзување, бидејќи во мозокот го активира центарот за грижа.
Слушајте музика и играјте – овој вид забава со бебето ќе направи чуда за вашиот однос!
Бакнувајте го бебето – бакнежите, исто како и кај партнерите, така и кај бебето создаваат мали секојдневни спомени кои ве поврзуваат со бебето.
Останете смирени и трпеливи – бебињата го чувствуваат вашето расположение. Ако сте смирени и трпеливи, тоа ќе му помогне на бебето да се чувствува безбедно и сакано
Носете го бебето – било во носилка или во раце, со носењето создавате нераскинлива врска!
Смејте се – смеењето го ослободува „feel good“ хормонот допамин, кој ве прави среќни – и вас и бебето!
Разговарајте со бебето – иако бебето не разбира зборови, вашата интонација, емоции и звукот на гласот му даваат чувство на сигурност. Раскажувајте му што правите, пејте му или едноставно нежно зборувајте му. Кажете му „те сакам“ – тоа ќе создаде уште поголема блискост и ќе ве направи посреќни.
Масирајте го – нежната масажа помага да се опушти бебето, го намалува стресот и го зајакнува вашиот однос. Масирајте ги неговите рачиња, ноџиња или грб со нежни, кружни движења.
Создадете рутина за спиење – ритуали како бањање, приказна, тивка музика или лулкање пред спиење ќе му дадат чувство на сигурност и ќе го поврзат со вас.
Гушкајте го често – гушкањето е наједноставен и најмоќен начин за создавање блискост. Тоа дава чувство на топлина, сигурност и љубов.
Останете смирени и трпеливи – бебињата го чувствуваат вашето расположение. Ако сте смирени и трпеливи, тоа ќе му помогне на бебето да се чувствува безбедно и сакано.
Бидете благодарни – за секоја секунда што можете да ја поминете со вашето бебе.
