Пред неколку дена беше објавена студија која вели дека откако добиле само една доза на вакцина против COVID-19, луѓето кои претходно биле заразени со вирусот имале ниво на антитела кои биле на исто или повисоко како кај луѓето кои ги добиле обете дози, но никогаш не биле заразени со вирусот
Д-р Ентони Фаучи, директор на Националниот институт за алергија и инфективни болести, рече дека луѓето кои прележале COVID-19, сепак, треба да ја примат втората доза од вакцината против коронавирус и треба да ги следат упатствата на Агенцијата за храна и лекови на САД (ФДА).
„Луѓето кои имале COVID-19 сè уште треба да го следат актуелното упатство на ФДА, кое вклучува примање на две дози во интервал од 21 или 28 дена. Иако претходната инфекција може да помогне во зајакнување на вакцинацијата, во моментов немаме доволно докази кои покажуваат дека би можело да се спореди со вакцинацијата за повеќето луѓе“, додаде Фаучи.
За потсетување: Пред неколку дена беше објавена студија која вели дека откако добиле само една доза на вакцина против COVID-19, луѓето кои претходно биле заразени со вирусот имале ниво на антитела кои биле на исто или повисоко како кај луѓето кои ги добиле обете дози, но никогаш не биле заразени со вирусот. Студијата сè уште не е рецензирана.
„Ако сте имале COVID-19, сепак, треба да се вакцинирате. Бидејќи повторната инфекција е невообичаена 90 дена по првичната инфекција, можете да ја одложите вакцинацијата до крајот на тој 90-дневен период, доколку сакате. Но, вакцинацијата е сè уште безбедна откако ќе се опоравите од Ковид-19“, додаде Фаучи.
