Истражувачите од Универзитетот во Сеул во Јужна Кореја, во најновата студија, објавена во списанието „Maturitas“, откриле дека најдоброто време за мајчинство е помеѓу 24 и 25 години.
Тие откриле дека оние кои го добиле своето прво дете пред или потоа имале 5 отсто поголем ризик да умрат од која било причина во рок од 18 години. Кривата на трендот го покажува обликот на буквата U, што значи дека ризикот е поголем колку подолго влегувањето во мајчинството се одалечува од 24 или 25 година.
Гледајќи ги сите причини за смрт, стапките на преживување биле 91,1 отсто за помладите мајки, 96,4 отсто за мајките во средината на дваесеттите години и 95,2 отсто за постарите мајки за време на 18-годишното истражување
Многу млади мајки обично доаѓаат од посиромашни области, што ги става во поголем ризик за низа ментални и физички болести, велат истражувачите.
Гледајќи ги сите причини за смрт, стапките на преживување биле 91,1 отсто за помладите мајки, 96,4 отсто за мајките во средината на дваесеттите години и 95,2 отсто за постарите мајки за време на 18-годишното истражување.
Со што се поврзани здравствените проблеми кај помладите мајки?
Професорот Сангшин Парк, експерт за епидемиологија на Универзитетот во Сеул, вели дека здравствените проблеми на помладите мајки во голема мера се поврзани со посиромашните социо-економски услови. „Генерално, младите луѓе од неповолни средини се изложени на поголем ризик да имаат деца во тинејџерските години“, рече тој.
Тој додаде дека претходните истражувања исто така ги поврзувале помладите мајки и со поголеми шанси за дебелина и депресија.
Како се зголемуваат здравствените проблеми на постарите мајки?
Во врска со влијанието врз здравјето на постарите мајки, професорот Парк рече дека други истражувања покажале дека постарите жени имаат повеќе проблеми да се опорават од физичките последици од бременоста. „Постарите мајки потешко се опоравуваат од бременоста и породувањето отколку помладите мајки, а нивните мускули можеби нема да можат да функционираат како порано“, рече тој.
Тој додаде и дека постарите мајки може да имаат потешкотии да вежбаат и да одржуваат добро здравје додека се обидуваат да ја балансираат својата кариера и одгледувањето на нивните деца.
Авторите признаа дека нивната студија има неколку ограничувања, а едно е дека тие испитувале само податоци од два региони на Јужна Кореја (вкупно 4.044 жени) и дека понатамошните истражувања треба да земат предвид пошироки популации.
