Триесетгодишната Шелби Мартин од САД имала јасен план за раѓањето на своето четврто дете – таа посакувала спонтано породување и веднаш по раѓањето контакт кожа на кожа. Но, околностите неочекувано се промениле кога лекарите во 36. недела од бременоста ѝ соопштиле дека носи исклучително големо бебе, поради што царскиот рез бил најбезбедната опција, пренесува LADbible.
Шелби и нејзиниот партнер, Џошуа Томас, дознале дека постои реален ризик бебето да се заглави за време на породувањето. Иако ѝ било тешко да прифати дека мора да се откаже од својот идеален план, Шелби им верувала на лекарите и на 29 јули го родила синот Касијан, кој тежел дури 5,8 килограми. Тоа било најголемото новороденче родено во болницата TriStar Centennial Women’s Hospital.
„Медицинските сестри и лекарите од целата болница доаѓаа во одделението за интензивна нега на новороденчиња само за да го запознаат Касијан“, раскажува мајката
„Знаевме дека ќе биде големо, но немав поим дека ќе има скоро шест килограми“, изјавила Шелби. Таа додала дека во еден момент од бременоста помислила дека нема да издржи до крај. Подоцна физиотерапевтот ѝ открил дека зглобот на колкот ѝ бил речиси испаднат од лежиштето поради тежината на бебето.
Иако првично сакала вагинално породување, сега смета дека царскиот рез бил вистинската одлука. Кога лекарите првпат го виделе бебето, целата операциона сала накратко занемела. Иако тоа ѝ бил прв царски рез и била доста вознемирена, породувањето поминало без компликации. Кога персоналот сфатил колку е големо бебето, сите побрзале да го видат.
„Медицинските сестри и лекарите од целата болница доаѓаа во одделението за интензивна нега на новороденчиња само за да го запознаат,“ раскажала Шелби.
Таа додава дека Касијан брзо станал вистинска мала ѕвезда. „Секојпат кога ќе дојдевме во посета, некој од тимот веќе го држеше во раце. Беше прекрасно да се види колку љубов и грижа добива. Како мајка чие дете за првпат е во интензивна нега, тоа ми значеше многу. Ми донесе мир.“
Иако Касијан, со своите 5,8 килограми, е исклучително големо бебе, неодамна во САД се родило и уште потешко. Бебето Анан од Флорида тежело дури 6,3 килограми – што е речиси двојно повеќе од просечната тежина на новороденче.
