Децата се мали чуда кои навидум имаат бескрајна количина на енергија. Се чини дека постојано се во движење, а на родителите понекогаш им треба само еден миг на мир и тишина. За среќа, една мајка смислила врвен трик како децата да станат мирни!
Џесика Ентремонт, мајка на две девојчиња, еден ден се вратила од работа и се што и требало е момент на тишина и мир. Но, кога дошла дома, нејзините ќерки биле полни со енергија и трчале низ домот.
За да ја спречи гласната активност, од фиока ги извадила нивните пижами кои светат во темница. Ги замолила девојчињата да ги облечат и им рекла дека за да светат пижамите во темница, мораат да се “наполнат“, а за да се наполнат мораат да легнат на под по изворот на светлина, во нејзиниот случај лампа, и да мируваат додека се полнат.
Нејзината идеја успеала и девојчињата навистина тоа го направиле, а мајка им тоа го проследила со фотографии и видео запис. Девојчињата не само што се смириле, туку и се забавувале додека го чекале “палењето“ на нивните пижами. Оваа мала “бела лага“ никому не наштетила.
