Мајки, време е срцето да ви експлодира од радост. Имено, истражувањата покажуваат дека таканаречените „мамини синови“ се посреќни и поуспешни во животот. Сега, значи, конечно можете да здивнете.
Можеби сте се загрижиле дека вашето момче е премногу приврзано за вас, дека сте го разгалиле, дека премногу сте му удоволувале, дека еден ден нема да биде самостоен или доволно независен. Можеби и ви пречеле сите силни коментари дека сте премногу врзани за синот и дека тоа нема да му донесе ништо добро. На крајот, „мамините синови“ секогаш се сметаат за “послаби“ кои се навикнати мама да прави се наместо нив.
Но, сето ова падна во вода со таканаречената Grand study студијата, спроведена од Универзитетот Харвард, која ги следела промените во личноста на поединците низ годините. Со студијата е откриено дека мажите кои имаат подобри односи со своите мајки не само што се поуспешни во училиштата, факултетите и на работа, туку и заработуваат повеќе пари.
Исто така, откриено е дека „мајкините синови“, како што стареат, полесно држат под контрола некои сериозни болести, како што се деменција или Алцхајмерова болест. Друго истражување спроведено на 6.000 момчиња кои не развиле приврзаност кон нивните мајки во детството открило дека тие пораснале како подеструктивни и поагресивни личности, често со страв од интимност.
Социологот Мајкл Кимел објаснува дека тоа е така затоа што првата жена во нивниот живот, нивната мајка, на некој начин ги оттурнала од себе или ги држела на дистанца.
Најинтересниот дел од студијата е дека момчињата кои имале подеднакво блиски односи со својот татко не ги постигнале истите резултати! Значи, односот со мајката се покажал како поважен за формирање на личноста. Затоа, следниот пат кога некој ќе ве “нафрли“ дека воспитувате и растете “мајкин син“, на тоа може само да бидете горди!
