Сите веќе знаеме дека во повеќето случаи тие го носат најголемиот товар кога се работи за грижата за семејството.
Ако сте уморни, под стрес и на работ на силата во декември и се подготвувате за празниците, не сте единствените. И не само во декември – грижата за семејството е напорна во текот на целата година, особено за мајките, што докажала и студија.
Нова нова студија објавена во списанието Journal for marriage and family покажала дека она што многумина веќе го чувствуваат и знаат – мајките се задолжени за дури 79 отсто од менталната работа околу семејството, или со други зборови, тие се мозокот на семејството кој напорно работи за се да функционира без проблеми. Под оваа ментална работа се мисли на помалку видливата работа од чистењето и готвењето – закажување преглед кај стоматолог, грижа за списокот на намирници потребни за пазарење, размислување што ќе однесе детето на училиште за ужина, помнење кога ќе има е пижама забава во градинка.
Повеќето мајки постојано размислуваат, планираат и помнат што се им треба на сите во семејството, што значи постојана грижа и стрес.
Татковците имаат „епизодни“ задачи
Не можеме да кажеме дека татковците не прават ништо, а судејќи според истражување во кое учествувале 3.000 родители, повеќето мажи рекле дека и тие имаат свои обврски.
Меѓутоа, кога малку повеќе ќе се обрне внимание на тие обврски, се покажало дека татковците главно имаат „епизодни“ задачи, како што се сервисирање на автомобилот, поправање на расипани работи во куќата и слично.
Во оваа смисла, татковците најчесто имаат семејни обврски кои се случуваат периодично, за разлика од мајките кои секојдневно се преоптоварени со задачи.
Авторите на оваа студија истакнале дека постои очигледна нерамнотежа во обврските помеѓу мајките и татковците и дека сето тоа ги исцрпува жените, влијаејќи на нивната ментална состојба и општата благосостојба.
Што можете да направите?
Првиот чекор е да бидете свесни за тоа, и да разговарате со партнерот како може да ви помогне и кои задачи може да ги преземе.
