Од пробување храна, удирање, реагирање на светлина, се до омраза кон одредени работи кои мајката сака да ги прави, бебињата навистина прават се во стомакот. Ова е листа на работи кои мајката често ги прави, а бебето во стомакот не ги сака.
- Долго и интензивно смеење
Често се вели дека ако мајката е среќна и бебето е среќно. Во овој случај тоа не е вистина. Ако мајката силно и долго се смее, бебето се чувствува како да од мирно плутање во течноста е фрлено на трамболина која никако не престанува. Обидете се да избегнувате долго и интензивно смеење, за да не го вознемирите бебето.
- Постојано боцкање
Во третиот триместар, кога бебето е веќе големо, мајката често го боцка за да открие во која положба се наоѓа. Бебето сака кога го галите и допирате стомакот, но немојте да претерувате. Никогаш не знаете што бебето моментално прави во стомакот, а ако премногу истражувате со прстите, тоа може да стане мрзоволно и ќе почне да бега од вашиот допир.
- Изненадни и гласни звуци
Сите знаеме дека музиката делува смирувачки, не само на бебињата, туку и на возрасните. Иако бебето може да чуе само пригушени звуци во внатрешноста на матката, тоа мрзи изненадна бучава.
- Мајка под стрес
Како се чувствува мајката, така се чувствува и бебето. Ако сте под голем стрес, количината на хормоните нагло се зголемува и евентуално може да влијае и на бебето. Практикувајте техники на релаксација, како длабоко дишење, медитација, јога или вежби кои ќе ве опуштат.
- Премногу движење додека спиете
Како и интензивнотоо смеење, постојаното вртење по кревет го вознемирува бебето.Обидете се полека да се вртите во кревет, додека си наоѓате положба за спиење.
- Зачинета храна
Бебето преку амнионската течност го чувствува вкусот на храната што ја јадете. Најдобро е да се избегнува зачинета храна, особено лута.
- Депресивна мајка=тажно бебе
Точно е дека бебето не сака долго и интензивно смеење, но тоа не значи дека мајката треба да биде тажна. Обидете се да избегнувате чувство на тага или депресија, оти тоа влијае на вашето бебе. Само да знаете дека бебињата плачат во вашиот стомак. Бидете секогаш насмеани.
- Недостаток на простор
Како бебето расте, стомакот му станува тесен. Вие тука многу не можете да помогнете, но можете да се обидете да се истегнете. Легнете на кревет и опуштете се, без да се грчите додека лежите.
- Празен желудник
Како и се останато, и кога сте гладни, тоа влијае на бебето. Тоа мрзи кога е гладно, што ќе ви го стави до знаење со нагли движења.
