На децата одењето им е многу интересно, особено на почетокот, додека се уште фаќаат стабилен чекор. Горди се на севе кога повеќе не зависат од количка и туѓи раце, но кога одењето ќе стане одговорност на детето и нешто што од него се очекува, не е реткост да му здодее. Ева како може да му помогнете повторно да засака да оди.
- Одењето нека биде забава
Кога сте надвор, направете го одењето забавно, советуваат стручњацоте за детски развој. Предложете му на вашето дете да скока преку пукнатини на патот или барички. Бројте кучиња и мачки, пејте песни и откривајте интересни детали во вашата улица. Така ќе му одвлечете вниманието на детето од пешачењето, но планирајте дека секое патување ќе трае малку подолго.
Кога одите во продавница, објаснете му на детето дека сега е ваш помошник и вклучете го во купувањето и носењето намирници. Нека си ја земе своја платнената торбичка од дома и нека биде задолжено да дофаќање и носење на намирниците. Дајте му важност на неговата улога и заблагодарете му што ви помогна, бидејќи без него не би можеле се да завршите.
- Не го брзајте
Не заборавајте дека вашето дете е ниско и дека има кратки нозе. Нему му требаат двојно повеќе чекори за да помине одредена рута од вас. Не го брзајте и бидете свесни дека детето се заморува побрзо од вас. Одете на кратка прошетка, а можете да се вратите дома со јавен превоз. Не можете да го присилите детето да оди, бидејќи тогаш реакцијата ќе биде уште полоша.
Пофалете го одвреме-навреме кога оди и коментирајте колку супер работи може да направи сега кога само се движи. Не го критикувајте кога не сака да оди или да го нарекувате бебе. Кога е нерасположено, тешко дека нешто ќе постигнете, па подобро е да почекате детето да биде добро расположено за да воспоставите нови навики.
