Ако сакате да му пружите на вашето бебе малку мир и опуштање, масажата на лице е одличен начин. Бебињата полека се навикнуваат на светот околу нив, па често може да чувствуваат некаков вид на немир, па не можат да се опуштат или успијат.
Како може да го масирате бебешкото лице?
Пред да започнете, обезбедете простор каде што ќе го масирате детето. Температурата во просторијата нека биде пријатна, пуштете релаксирачка музика и придушете ја светлината, за бебето да ужива во вистинска атмосфера.
Убаво измијте ги рацете, а потоа нанесете бебешко масло или крем. Загрејте се во вашите раце, а потоа допрете го бебето.
- Почнете со лесни движења
Полека размачкајте ја кремата по лицето на бебето, од средината на челото, па нанадвор. После тоа, со кружни движења спуштете се преку образите.
- Посветете се на секој дел од лицето
Кога убаво ќе ја нанесете кремата, почнете да ги масирате сите делови на лицето. Замислете централна линија на челото и носот и од неа движете кон ушите. По неколку повторувања, масирајте ги образите и делот над усните. Тоа повторете го 4-5 пати.
- Опуштете го лицето на бебето
Ставете ги двете дланки на вилицата на бебето од двете страни и полека подигајте ги рацете нагоре. Ова повторете го неколку пати, а бебешките мускули комплетно ќе се опуштат.
- Кружни движења
Со кружни движења поттикнувате циркулација. Со палците правете кругови по челото и по образите. Од образите можете да се движите кон ушите, а потоа преку вилицата.
ЗОШТО МАСАЖАТА НА ЛИЦЕ Е ДОБРА ЗА БЕБЕТО?
- Ја подобрува неврбалната комуникација помеѓу вас и бебето, но и ја јакне вашата поврзаност.
- Му помага на бебето да се опушти и смири
- Поттикнува циркулација
- Го стимулира нервниот систем
На што треба да обрнете внимание?
- Прво подгответе го бебето. Ако тоа е глано, поспано, нервозно, потрудете се прво да го решите тој проблем, оти нема да може убаво да измасирате.
- Бидете внимателни при допирот. Мора да бидете нежни, за да не го повредите, но ниту преблаги, бидејќи тогаш нема ефект масажата.
- Избегнувајте ги очите. Трудете се овој дел од лицето да не го допирате, бидејчи самиот по себе е чувствителен, а кремата може да доведе до иритација.
- Не ја притискајте главата. Внимавајте додека го масирате лицето, со останатиот дел од дланката да не го притискате черепот на бебето, бидејќи коските се се уште меки.
