Како и кај жените, постојат многу причини за машкиот стерилитет – од хормонална нерамнотежа, до физички и психолошки проблеми и/или проблеми во однесувањето. Иако жената раѓа деца, поради што на женскиот стерилитет се обрнува повеќе внимание отколку на машкиот, сепак е важно причините за машкиот стерилитет да се согледаат од сериозен агол. Оти, мажот е втората страба, без кој, целиот процес на репродукција не би можел да функционира.
Лекарите наведуваат некои од животните избори кои негативно влијаат на плодноста на мажот, и во листата не се вклучени сите потенцијални причини.
Цигари, алкохол, стероиди
Во најчести причини за машкиот стерилитет спаѓа пушењето, оти значајно го намалува бројот и подвижноста на сперматозоидите. Тоа опфаќа и подолго користење марихуана и други дроги, како и хроничен алкохолизам. Покрај болестите на зависност, тука спаѓа и неконтролираното земање стероиди, кое предизвикува собирање на тестисите и неплодност. Исто така, преинтензивните вежби доведуваат до производство на високо ниво на стероидни хормони на надбубрежната жлезда, што предизвикува недостаток на тестостерон и доведува до неполодност. И анемијата и прекумерниот стрес често се причини за неплодност кај мажите.
Хормони
Мал процент на машкиот стерилитет е предизвикан од хормонални проблеми. Неколку работи може да тргнат наопаку со хипоталамусот – хипофиза на ендокриниот систем. Пореметувањето во опуштањето на гонатропин доведува до недостаток на тестостерон и сперма, односно до престанок на негово производство.
Физички пречки
Низа физички пречки може да предизвикаат машки стерилитет. Тие или го попречуваат производниот процес на спермата, или патот по кој сперматозоидите патуваат од тестисите до врвот на пенисот. Тие проблеми обично се карактеризираат со мал број сперматозоиди и/или абнормална морфологија на спермата. Освен физички, постојат и психолошки проблеми кои може да влијаат на неплодноста на мажот. Но, понекогаш е тешко да се раздвојат физичките и психолошките компоненти на проблемот,м оти делуваат заедно. Некои од проблемите се еректилна дисфункција, предвремена ејакулација…
