Родителите најчесто знаат како лесно да ги насмеат своите деца, но понекогаш се прашуваме зошто бебињата се смеат кога им ставаме крпа на главата, го криеме лицето со дланките или кога правиме гримаси.
Проф. д-р Каспер Адиман, научник во Центарот за мозочен и когнитивен развој на Универзитетот Биркбек во Лондон, направил досега најголемо истражување на смееењето на бебињата, за да утврди што ги засмејува и зошто се смеат бебињата.
Тој осмислил детална анкета за родителите и ги замолил да му испратат снимки и пишани извештаи за тоа што се ги насмејува нивните деца. Му се јавиле 1.400 родители од 25 држави, кои одговориле за периодот од денот во кој бебињата најмногу се смеат и за играчките кои им се најкомични.
Досегашните резултати од анализите покажале дека спротивно на постоечкото мислење, бебињата се смеат многу рано.
“Деведесет проценти од бебињата се насмеале веќе во првите два месеца од животот, а некои родители откриле дека нивните деца се смееле уште во првите недели“, вели проф. Адиман и додава дека постојат случаеви во кои бебињата воопшто не се насмеале во првата година од животот. Барем никој не ги видел кога тоа го правеле.
“Тоа ни покажува дека бебињата имаат силен темперамент кој се покажува од самото раѓање“, додава тој.
Интересно е дека момчињата се смеат нешто повеќе од девојчињата, односно некои бебиња од машки пол се смеат и до 50 пати дневно, додека девојчињата не ја надминале бројката од 37.
