Статистичар пресметал „прецизна формула“ за предвидување колку време ќе им биде потребно на децата да се “збеснат“ во автомобил за време на долго возење. Според д-р Џејмс Хинд, од Универзитетот Трент во Нотингем, формулата T = 70 + 0,5E + 15F – 10S е клучот шо многу родители можат да го применат за да ја пресметаат веројатноста на изливи на детски бес на задното седиште во автомобилот. Истражувањето, засновано на одговори на 2.000 родители, покажало дека времето (Т) кое на типично дете ќе му треба да „подиви“ за време на долги возења со автомобил е 70 минути. Шансите за ова се намалуваат со секоја минута кога детето се забавува (Е), додека храната (F) ќе им овозможи на родителите да го одложат дивеењето за 15 минути.
КЛУЧНА Е ЗАБАВАТА
Меѓутоа, возењето повеќе деца (S) во автомобилот го скратува времето за почеток на испадите на бес за 10 минути. За прашањето „Кога ќе стигнеме? на просечното дете ќе му требаат 32 минути по започнувањето на возењето. И така барем уште четири пати во текот на патувањето. Истражувањето покажало дека досадата е главната причина за немир кај децата, според искуството на 68 отсто од родителите, потоа следат предолго патување (62 отсто) и глад (57 отсто).
Д-р Хинд вели: „Ако имате само едно дете и успеете да го забавувате и повремено да го поткупите со храна, можете да добиете два часа воење без дивеење. За жал, две деца без забава и грицки можат да предизвикаат хаос за само 40 минути. Грицките се важни, но има ограничување колку тие можат да помогнат, затоа ограничете ги на максимум двапати на час. Забавата е клучна, но дури и тоа не успева кај многу долгите патувања. Паузите во возењето за да го ‘ресетирате времето’, се важни за да се спречи дивеењето, но и за да не ве замори возењето“, заклучува Хинд.
