Триесетгодишен маж од Тексас починал од коронавирус откако бил гостин на “КОВИД-19 забава“ која ја организирал заразено лице, објавиле лекарите укажувајќи на ризикот кој болеста претставува за младите луѓе. Тој бил уверен дека новиот коронавирус е измама и присуствувал на “корона забава“, но починал од последици на КОВИД-19, објавила болницата во Тексас.
Тој бил гостин на нова форма на забави во САД. Едно лице кое е заразено доаѓа на забавата за гостите да бидат изложени на заразата и така да проверат дали коронавирусот е вистински и реален. Со тоа проверуваат дали тврдењата на медиумите и владата се дел од поширока завера.
Докторката Џејн Еплбај, главна медицинска сестра во Методистичката болница во Сан Антонио каде починало момчето, ја поделила со медиумите неговата трагична приказна и последни зборови.
“Непосредно пред пациентот да почине, ја погледнал медицинската сестра и и рекол: Мислам дека погрешив. Мислев дека се ова е измама, но не е“, изјавила Еплбај.
Таа не кажала кога забавата се одржала, колку лица присуствувале, ниту колку долго по случувањето пациентот бил хоспитализиран со дијагноза КОВИД-19.
“Тоа било забава организирана со цел да се види дали вирусот е вистински на основа на тоа дали останатите ќе се заразат од лице кое веќе има коронавирус“, објаснила Еплбај.
Името на момчето не е објавено.
“Во последно време се забележува дека коронавирусот влијае на поширока возрасна граница кај луѓето, вклучувајќи и нлади луѓе на 20-30 години. Забележано е зголмување на критични болни меѓу младата популација“, додава медицинската сестра.
Таа вели дека никој не треба да се чувствува дека е имун на КОВИД-19 и затоа упати апел да се носи маска, да се избегнува групирање и да се мијат раце.
