Резултатите од нова студија укажуваат дека во зависност од тоа во кој периодот од годината детето е зачнато, може да се зголеми и ризикот од предвремено породување.
Имено, студијата покажала дека децата кои биле зачнати во текот на мај се изложени на 10 отсто поголем ризик од предвремено раѓање од децата кои биле зачнати во други периоди од годината.
Се претпоставува дека за зголемениот ризик може да биде одговорна сезоната на грип во текот на јануари и февруари, токму кога се наближува рокот на породување на зачнатите деца во мај.
Се смета дека здравата исхрана и соодветните мерки за превенција од грип, вклучително и вакцинацијата против грип, може да го намалат ризикот од предвремено породување.
Извор: Proceedings of the National Academy of Sciences
