Најубавиот и најдраг мирис на секоја мајка е мирисот на нејзиното бебе.
Природата на прекрасни начини прави се за да ја зајакне врската помеѓу мајката и бебето во периодот по породувањето. Нема мајка која не е воодушевена од мирисот на своето бебе во првите месеци од животот.
Ако сакате да го мирисате вашето бебе и неговата облека по раѓањето, само уживајте во ова сетилно искуство бидејќи тоа е начин да се заљубите во вашето дете уште повеќе
Но, научниците се занимавале и со овој феномен и дошле до многу интересни сознанија.
Во природата ништо не се случува случајно, а постојат фактори кои длабоко влијаат на создавање на единствена врска помеѓу мајката и нејзиното бебе. Студијата објавена во списанието „Frontiers in Psychology“ покажала дека мирисот на новороденчињата е толку неодолив за да може да им помогне на мајките да ги засакаат своите бебиња и да чувствуваат потреба да ги заштитат.
Истражувањето било спроведено на 30 жени, од кои 15 неодамна се породиле, а 15 никогаш не биле мајки. Тие ги изложувале на различни непознати мириси за да ја набљудуваат нивната мозочна активност, а мирисите вклучувале и пижами за новороденчиња проткаени со нивниот препознатлив мирис.
Повеќето жени рекле дека пижамите со мирисот на бебе кај нив предизвикале неверојатно чувство на угодност. Понатаму, магнетната резонанца покажала дека тој мирис ја активирал областа од мозокот поврзана со награда и учење, без разлика дали жените биле мајки или не.
Сепак, иако речиси сите жени реагирале на овој стимул, мајките доживеале посилно чувство во споредба со оние жени кои не родиле.
Мирисот не влијае само на мајките
Добро познат факт е дека после породувањето, контактот кожа со кожа е важен не само за воспоставување на успешно доење, туку и за ослободување на окситоцин. Хормонот на љубовта ја зајакнува врската помеѓу мајките и новороденчињата преку допир и мирис. Значи, миризливите дразби не се корисни само за мајките, туку и за нивните деца.
Истражувањето покажало дека бебињата се особено чувствителни на мирисот на нивната мајка по раѓањето, особено на миризливите сигнали кои доаѓаат од пределот на брадавиците на нивните мајки. Неколку минути по раѓањето, природниот мирис на дојките ги насочува новороденчињата кон цицање.
Значи, ако сакате да го мирисате вашето бебе и неговата облека по раѓањето, само уживајте во ова сетилно искуство бидејќи тоа е начин да се заљубите во вашето дете уште повеќе.
