Ако имате дете, сигурно добро ви се познати привремените тетоважи кои се добиваат во пакувањето на некои слатки, гуми за џвакање или пудинзи, а може да се најдат и на тезгите во местата каде претежно летувате. Колку и да се примамливи за децата, родителите треба да знаат дека ги изложуваат своите деца на парафенилендиамин.
Дерматовенерологот Ружица Јуракиќ Тончиќ на Инстаграм сподели фотографија од контактен дерматитис на детска рака кој се појавил на местото на привремената тетоважа.
„Парафенилендиаминот се наоѓа како класичен алерген во боите за коса (како стабилизатор), но и во други бои, што го изложува вашето дете на многу силен алерген во огромни концентрации. Значи, не е проблемот во тоа што ние сакаме да ги развеселиме децата со тоа што ќе бидат шарени и за себе убави, туку во фактот дека детската кожа, која сама по себе е тенка и со тоа послаба бариера (полесен влез на алергени), ја изложувате на урсол, односно парафенилендиамин“, предупредува д-р Јуракиќ Тончиќ.
Таа ги повика родителите да ја пренесат оваа важна информација.
„Почитувани родители, без разлика колку е забавно за децата, ве молам, овој вид изложеност на тенката детска кожа на огромни количини парафенилендиамин е големо не“, порача таа.
