Млади луѓе со нарушување во исхраната исто така може да имаат и основно и недијагностицирано нарушување од аутистичниот спектар, укажува нова студија. Се смета дека резултатите од оваа студија нудат најдобар увид во врската помеѓу аутизмот и пробламтичното прехранбено однесување.
Истражувањето покажало дека нарушувањата во исхраната и аутизмот може да се појават истовремено, при што лицата со нарушувања во исхраната се почесто упатуваат на разгледување на дијганозата аутизам, истакнуваат стручњаците.
Кога се земаат предвид бихевиоралните карактеристики на аутизмот, како што се селективноста во врска со храната и текстурата, одбивањето храна или посебноста со видот или бојата на приборот што се користи, може да се сугерира дека таквото однесување на крајот може да доведе до нарушувања во исхраната.
Според експертите, лекарите кои можеби се подготвени да дијагностицираат една состојба, со оглед на важноста на одредено однесување, може да не успеат да дијагностицираат друга состојба.
Нарушувањата во исхраната вклучуваат анорексија нервоза, булимија нервоза и нарушување на прекумерно јадење.
Инаку, истовременото присуство на аутизам и анорексија нервоза е поврзано со полошо ментално здравје и полоша прогноза, што сугерира дека постоечките третмани за анорексија можеби треба да се прилагодат за да бидат ефективни кај аутистичната популација.
