Многу родители знаат колку се опасни алергиите на јаткасти плодови. Но, медицинските експерти велат дека постои нова опасност од алергија на друга храна, што е подеднакво сериозна. За жал, млекото како намирница која е основа на исхраната е потешко да се искорени од сите места каде што одат децата.
Изненадува податокот дека кравјото млеко претставува приближно половина од сите алергии на храна кај деца помлади од една година
Според WebMD, анафилаксата предизвикана од храна довела до зголемување на бројот на хоспитализации кај деца во периодот од 2006 до 2012 година за 25 проценти, според анализата на податоците од детските болници, објавена во 2019 година.
Иако кикиритките и некои јаткасти плодови со години се виновници за алергиски реакции, кравјото млеко сега е најчестата причина за алергии на храна кај деца на возраст под пет години, пренесува WebMD.
Во извештајот се објаснува дека кравјото млеко е омилен пијалок кај децата поради калциум, витамини и други хранливи материи, како што се протеините. Сепак, некои од овие протеини телото ги препознава како страни и ги напаѓа, што доведува до алергиска реакција. Некои експерти велат дека токму затоа е толку важно да се едуцира јавноста за опасностите од млечните производи денес
Изненадува податокот дека кравјото млеко претставува приближно половина од сите алергии на храна кај деца помлади од една година.
„Алергијата на кравјо млеко е најнепријатна од сите алергии на храна. Многу луѓе не се свесни дека може да предизвика толку сериозна анафилакса. Луѓето не размислуваат за тоа колку го има во нашата храна“, рече Карла Дејвис, директорка на програмата за алергија на храна во Детската болница во Тексас, Хјустон.
Во извештајот се објаснува дека кравјото млеко е омилен пијалок кај децата поради калциум, витамини и други хранливи материи, како што се протеините. Сепак, некои од овие протеини телото ги препознава како страни и ги напаѓа, што доведува до алергиска реакција. Некои експерти велат дека токму затоа е толку важно да се едуцира јавноста за опасностите од млечните производи денес.
Но, добрата вест е дека како што растат децата, некои ги надминуваат алергиите на кравјо млеко, покажуваат извештаите.
- ПРОЧИТАЈТЕ И…
