Дали вашето дете ве замолило да ставите уште една чинија на масата за неговото имагинарно другарче? Дури половина од децата на предучилишна возраст имаат измислен пријател. Овие фантомски пријатели не значат дека вашето дете е осамено или неприлагодено. Всушност, поверојатно е дека децата со измислени пријатели ќе пораснат во креативна, кооперативна, социјална, независна и среќна личност.
Имагинарниот пријател може да биде човек или животно и вообичаено доаѓа со име и со посебна особеност. Тој пријател е сигурен, верен во играта, делумно е заштитник, а делумно е жртвено јагне. Тој му помага на детето да вежба во градење на односите и му дава, за промена, чувство на контрола над ситуацијата.
Имагинатниот пријател може да биде начин на управување на детето, над се што се бара во светот околу него. Следењето на интеракциите на детето со имагинарниот пријател може да ви даде корисен увид во неговите стравови и стресови. Ако имагинарното другарче се плаши од чудовишта под креветот, голема е веројатноста да тоа е всушност страв на вашето дете.
Иако е мудро да го почитувате имагинарниот пријател на вашето дете, обидете се да не се мешате во нивната врска. На пример, избегнувајте да користите имагинарни пријатели за да манипулирате со детето (“Руди го изел грашокот, зошто не можеш и ти?“). Наместо тоа, следете го примерот на вашето дете. Тоа длабоко во себе знае дека ова е имагинарна креација и може да му биде збунувачки ако премногу лесно го прифатите. Овие дополнителни членови на семејството обично исчезнуваат до 7-та година, бидејќи тогаш детето станува окупирано со реалниот свет, светот во училиштето, вистинските пријатели и односите што ги развива.
