Секое дете се развива со сопствен ритам, па така некои побрзо се “запознаваат“ со името што го носат, а на некои им е потребно повеќе време. Без оглед што сето ова родителите во принцип го знаат, повеќето од нив се многу загрижени дали нивното дете правилно се развива.
Голем страв и загриженост претставува и случај кога детето не одговара на споменување на сопственото име, најмногу бидејќи овој “симптом“ се поврзува со аутизмот. По правило, детето би требало да реагира на своето име многу пред да почне да зборува. Ова обично се случува кога ќе почне да ги воочива предметите околу себе, што е приближно во седмиот до десетиот месец од животот.
Сепак, многу мајки тврдат дека бебето почнало да одговара на сопственото име многу порано, некогаш и пред шестиот месец од животот. Лекарите велат дека во овие случаи само се работи за реакција на гласот на мајката.
Поради тоа напоменуваат дека нема причина за загриженост се додека овој одговор е во наведените временски рамки, оптимално во период од 7-10 месеци, па и до една година.
Лекарите нагласуваат дека колку порано родителите почнат да го викаат бебето по име, порано и ќе почне да го изговара, а потоа и да има соодветна реакција на своето име. Затоа и ги советуваат родителите да го викаат детето по име во секоја прилика. Треба да се обидат и што почести да ја менуваат силината на гласот, да зборуваат погласно, да шепотат, да го викаат со нежен, но цврст глас. Изразот на лицето не треба да биде ист. Така бебето ќе научи да одговара и на различна интонација и побрзо ќе сфати дека имаето што го изговараат родителите е негово.
ЗОШТО БЕБЕТО НЕ РЕАГИРА НА СВОЕТО ИМЕ?
Ако детето не реагира на своети име за една година, тогаш може да станува збор за следниве проблеми:
- Проблеми со слухот
- Слабо развиена вештина на комуникација
Доколку детето и по првата година од животот и понатаму не реагира на своето име, тогаш родителите треба да се обратат кај лекар кој ќе даде соодветна дијагноза.
