Родителите, особено мајките кои најчесто се грижат за исхраната на детето често се загрижени дали детето добива доволно храна, а заедно со тоа и доволно витамини, минерали и останати потребни хранливи состојки?
Она што е најдобро во таа ситуација е направите неколку проверки по следниов редослед:
За почеток измерете ја телесната тежина и висина на детето. Во договор со педијатарот направете негова табела за раст и развој и проверет дали е уредна. Размислете дали е детето е уморно, дали неволно седи, одбива да игра или пак е полно со енергија, трча, скока, дивее и секогаш е подготвено за ноди предизвици? Тоа генерално не се одлики на детет кое е гладно или слабо напредува. Здравствената состојба, во насока дали детето е постојано болежливо е многу важна при одлуката колку сериозно треба да се ангажирате со прехранбените навики на своето малечко.
Направете дневник на исхраната, но навистина, листа на се што ќе стави во уста во текот на денот. Не трчајте по него со полна лажица во рака, не ги задоволувајте неговите желби, туку еден час откако ќе одбие да руча, поставете го пред него истиот оброк.
Децата сакаат да јадат заедно – јадете со нив. Тие сакаат да учествуваат, нека ги бира намирниците со вас, нека ви помагаат во кујна. Тие сакаат ја јадат со раце, исечкајте го зеленчукот и овошјето на парченца. Украсете ја чинијата. И секако верувајте му на детето кога ќе ви каже дека е сито, не принудувајте го да ја испразни чинијата до крај. Бидете трпеливи и доследни – немојте да станете заложници на неговите желби.
