Самули Раутава од Универзитетот во Хелсинки во Финска и неговите колеги ги истражувале долгорочните ефекти на давање антибиотици на новороденчиња во рок од две недели по раѓањето
Ако момчињата добиваат антибиотици во првите две недели од животот, зголемувањето на телесната тежина и висина веројатно ќе биде под просекот, но овој ефект не е забележан кај девојчињата.
Бактериите во цревата се „заборавен орган“, вели коавторот Омри Корен од универзитетот Бар-Илан во Израел. Тие помагаат во варењето на нашата храна, го обучуваат имунолошкиот систем и нè штитат од штетни, страни бактерии
На некои бебиња им се даваат антибиотици за лекување на бактериски инфекции и за спречување на сепса. Самули Раутава од Универзитетот во Хелсинки во Финска и неговите колеги ги истражувале долгорочните ефекти на давање антибиотици на новороденчиња во рок од две недели по раѓањето.
Тие го забележале растот на 12.422 деца од раѓање па се до шестгодишна возраст. Сите биле родени во периодот од 2008 до 2010 година во универзитетската болница Турку во Финска. Од нив, на 1151 бебиња им биле дадени антибиотици во првите 14 дена од животот, бидејќи лекарите се сомневале на бактериска инфекција.
Бебињата на кои им биле дадени антибиотици, имаат поголема веројатност да имаат значително помала висина и тежина во текот на првите шест години од животот, отколку оние на кои не им биле дадени антибиотици – но ова било забележано само кај момчињата, а не и кај девојчињата. „За прв пат покажавме дека изложеноста на антибиотици во текот на првите денови од животот има долгорочни ефекти“, вели Раутава.
Истражувачите се сомневаат дека антибиотиците предизвикуваат долгорочни промени во микробиомот на цревата кај бебињата, што резултира со намален раст.
Бактериите во цревата се „заборавен орган“, вели коавторот Омри Корен од универзитетот Бар-Илан во Израел. Тие помагаат во варењето на нашата храна, го обучуваат имунолошкиот систем и нè штитат од штетни, страни бактерии.
„Кога користиме антибиотици за да убиеме бактерии кои можат да предизвикаат болести, ненамерно убиваме и други добри бактерии“, вели Раутава. Оваа промена на цревниот микробиом се чини дека е двигател на нарушениот раст кај младите момчиња по употребата на антибиотици.
Истражувачите се сомневаат дека антибиотиците предизвикуваат долгорочни промени во микробиомот на цревата кај бебињата, што резултира со намален раст
За да ја тестира оваа идеја, тимот имплантирал микроби од измет на бебиња на кои им биле и не им биле дадени антибиотици, во глувци. Тие ги забележале истите резултати – машките глувци, но не и женските, на кои им била дадена микробиота од бебиња третирани со антибиотици, биле многу помали.
Зошто ефектот се гледа само кај машките сè уште се истражува. Мартин Блејзер од Универзитетот Руџерс, Њу Џерси, сугерира дека тоа може да биде поврзано со разлики поврзани со полот во експресија на цревните гени – мажите и жените искусуваат генетски разлики во цревата веќе два дена по раѓањето.
Долгорочните ефекти на курсот на антибиотици треба да се испитаат, но Раутава вели дека не треба да заборавиме дека лековите се неопходни за да се спречи тешка бактериска инфекција кај бебињата. „Антибиотиците спасуваат животи“, вели тој. (New Scientist)
♦ Journal reference: Nature Communications
