Морковот има пријатен сладок вкус и мирис, кој варира од периодот на берење. Добриот и здрав морков има сочен надворешен слој и не претерано дрвенест внатрешен дел. За разлика од останатото овошје и зеленчук, морковот со готвењето губи многу малку од своите витамини, поради што е омилена состојка на секоја чорба и супа, и додаток на многу готвени јадења. Термички обработениот, односно сварен морков дури подобро се искористува и подобро се вари.
Морковот може да се додаде во секоја салата.
Сокот од морков е вкусен и здрав, а често се меша со сок од праска и кајсија.
Убавата портокалова боја на морковот му ја даваат каротеноидите (провитамни на витаминот А). Каротените се антиокиданти и многи се корисни оти го неутрализираат дејството на слободните радикали во клеточните процеси и делуваат антиканцерогено, при тоа чувајќи ги и крвните садови.
Во организмот од каротеноидите се синтетизира групата на витамонот А, од кои најважен е А1 (ретинол). Витаминот А1 е значаен за детскиот вид оти игра важна улога во правилниот развој и функционирање на окото. Останатите витамини од групата А имаат улога на обновување на клетките на кожата.
Во 100гр морков, има дури 1000μg витамин А.
За бебињата, односно за децата до две години се смета дека е потребно да внесат 375 μg витамин А1 дневно.
Со растење на детето, потребите за витамин А1 растат, па по возрасти тоа изгледа вака:
- Од 1-3 години ——- 400 μg
- Од 4-6 години ——- 500 μg
- Од 7-10 години —– 700 μg
Во 100гр морков има само 43 калории, 0,3гр масти и 8,8гр јаглехидрати, а се наоѓа и калциум, железо, витамини Б1, Б1 и Ц.
