“Бремена сум, ова ни ее прво дете и на мене и на мојот сопруг. Ме загрижува тоа што и двајцата имаме силна алергија на одредена храна. Дали е тоа наследно? Дали постои начин да го заштитиме нашето неродено бебе од алергии?”, прашање кое една загрижена мајка го поставила на педијатар во едно руско списание.
Многу родители се загрижени дека своите болести ќе им ги пренесат на децата. И додека за некои со сигурност се знае дека може да бидат наследни, постојат заболувања кај кои ризикот се зголемува во одредени случаи.
“Доколку и двајцата родители страдаат од алергии, ризикот од развој на алергиски заболувања кај детето е над 75 отсто. Притоа не се наследува болеста, туку способноста на телото да реагира на иритирачкиот фактор“, објаснува д-р Татјана Шаповаленко, додавајќи дека сепак постои “надеж“.
“Ризикот од алергии може да се намали. За време на бременоста и доењето, жената треба да го ограничи консумирањето на високо алергени намирници (цитрусно овошје, чоколадо, чадено месо, црвен зеленчук) и да се обиде да спречи влошување на алергиската реакција. Во текот на хнаењето на бебето, мора да ја следите неговата реакција на новата намирница. Исто така, добро е детето да се “зацврсти“ и да го навикнете на спортување, да го зајакнете имунитетот со одење на море и активности во природа“, додава докторката.
