Може ли месецот во кој ќе се роди детето да го предвиди ризикот од алергија? Според ново истражување на Универзитетот Саутемптон, објавено со списанието Allergy, се чини дека може.
Научниците проучувале луѓе родени на островот Вигт во Англија. Тие утврдиле дека специфичен маркер на ДНК, е поврзан со периодот во кој се раѓаме, присутен е при породувањето, но и 18 месеци подоцна.
Истражувањето е значајно оти успеало да ги поврзе т.н. епигенетски пикови со годишното време во кое се раѓаме со алергии.
Според официјалната објава, лицата родени во есен имаат поголем ризик за кожни егземи, отколку оние родени на пролет.
“Ова се многу интересни резултати. Знаеме дека годишното време во кое се раѓаме има ефект на луѓето цел живот. На пример, лицата родени во есен и во зима, имаат поголем ризик за развој на астма“, тврди Џон Холовеј, професор и еден од авторите на студијата. Но, научниците ги предупредуваат жените да не го менуваат и да не го сметаат времето на бременост на основ на овие податоци.
