Овој момент е забележан на многу камери: ја допирате раката на новороденчето, а тоа цврсто го фаќа вашиот прст. Ќе се изненадите, ова е само рефлексна активност – рефлекс на фаќање, а можеби ќе ве изненади и фактот дека детето се раѓа со 75 рефлексни активности. Некои рефлексни дејства исчезнуваат набрзо по раѓањето, три до 6 месеци, а некои постепено се заменуваат со свесни дејства.
Рефлекс на цицање
Ова е рефлексна активност за преживување. Ако го допрете бебето за образ, тоа ќе се сврти кон вашиот прст и ќе ја отвори устата. Овој рефлекс му помага на бебето да ја фати брадавицата на мајката. Новороденчињата автоматски ќе почнат да цицаат ако им ја стимулирате устата или непцето со допир. Исто така, овој рефлекс превенира гушење бидејќи јазикот се движи нанадвор за да ја исфрли содржината.
Моро рефлекс
Дали некогаш сте виделе како новороденче се движи по својата мајка како мало мајмунче? Овој рефлекс е присутен до шестиот месец од животот на детето. Се тестира така што детето се става на грб, се држи за рацете и малку се подига и спушта. Во тој момент детето прави екстензија и флексија (се протега па се свиткува). Може да се тестира и на тој начин што додека детето лежи на грб, со раката малку посилно се удири по креветот. Детето тогаш ќе реагира на истиот начин.
Рефлекс на автоматско одење
Ако го фатите детето под пазувите и го ставите во вертикална положба и малку го наведнете напред, тогаш тоа ќе направи движење со ногата како да сака да оди. Овој рефлекс е присутен до вториот месец од животот на детето.
Рефлекси на исправување
Ако го легнете бебето на стомак, со лицето надолу, тоа ќе ја сврти главата на страна за да се увери дека може да дише. Исто така, ако го легнете на грб, но ќебето му ја покрива главата, бебето ќе ја сврти главата на страна и ќе ги користи рацете за да го помести ќебето надолу.
Галантов рефлекс
Овој рефлекс може да го тестира и родителот на бебето со тоа што ќе го стави детето да лежи на стомак и со прстот полека, веднаш до “рбетот му поминува по грбот од вратот кон половината. Детето би требало да се свитка на страната од која доаѓа надразбата. Истото движење направете го и на другата страна, каде што треба да се појави истата реакција.
